Bokra ahla

rebranding

ABOUT

احنا مين؟ ناس قرروا يشوفوا بكرة من منظور احلى من المتوقع,و لقوا سعادتهم في محاولات تحقيق ده. احنا بكره احلى المشهرة برقم 6701 لسنة 2006-القاهرة. فكرتنا كانت اننا نشتغل على المناطق العشوائية, ابتدينا سنة 2006 في (بطن البقرة) و بعدين سنة 2012 نشاطنا امتد لمنطقة (رملة بولاق), نشاطاتنا الاساسية قائمه على كذا حاجة زي: • تعليم • قروض متناهية الصغر • معارض (مدارس, ملابس قديمة) • تبرعات (عينيه, مادية) و كل ده بيكون بعد ابحاث متخصصة بنعملها بنفسنا لأهل المناطق دى علشان نعرف هم فعلا محتاجين ايه. احنا هدفنا ايه؟ احنا هدفنا في الاساس تنموي، هدفنا حق الناس في حياة أدمية. و ان الناس دى ىوصلها –على الاقل-الحد الادنى من التعليم و نديهم فرصة اختيار مستقبل أحلى عن المفروض عليه، هدفنا ان الناس دي يوصلها اللي ممكن نسميه (الحد الادنى من الامان المعيشي)...يعني ايه؟ يعني لما يبقى قاعد في بيته و الدنيا تمطر يبقى واثق ان المطر مش هيغرقه هو و بيته، يعني لما يفتح الحنفية يبقى متوقع انها تنزل مياه، يعني صرف صحي آدمي، يعني دخل ثابت حتى لو قليل يضمنله انه يعرف يجيب دواء لو تعب. عايزين منكم ايه؟ الحلم، احلموا ببكره ده معانا و ساعدونا نعلي سقف احلام الناس دى. بنوعدكوا بالفرحة و بأمل رضا ربنا علينا و بأحساس جميل اوي هتحسه لما تتحرك و تبقى مش من اللي بيتكلموا بس.

Project Gallery

Want Something Similar?

Get In Touch