وصل بيت الفراخ لحديقه التعالب

January 17, 2019

عايز الناس تشتري منتجك.. وصَل بيت الفراخ لحديقة التعلب

في مثل بيقولك”Moving the henhouse into the fox’s garden”. المثل ده ببساطة بيفسر الـOnline Shopping أو التسوق أونلاين. لو ترجمناها هنلاقي معناها “انقل بيت الفراخ لحديقة التعلب”.
وبرغم اختلاف التشبيه، إلا أن الشركات اللي بتنتج و بتبيع سلعة أو منتج معين بيعملوا كدا لما يحبوا يعلنوا عن منتجاتهم. ولكن هل هما اللي بيعلنوا بنفسهم ولا بيتعاونوا مع حد يعلن بدلهم؟! في الحقيقة، هما بيعملوا الاتنين.
يعني بيعلنوا بنفسهم وفي نفس الوقت بيتعاونوا مع حد يسوق منتجاتهم”شركة تسويق إلكتروني”.
-يا عم انت هتحيرنا ليه!!
-يا سيدي مفيش حيرة ولا حاجة لان ده اللي احنا بنشوفه دلوقتي.
-طب ازاى هعمل كدا؟
-خليك معايا وانا هشرحلك خطوة بخطوة… أهم حاجة لازم تبقى عارف ان التسويق على الانترنت هيزود معدل انتشارك عالنت وبالتالي هتوصل للناس أسرع وأسهل. وبكدا تقدر تبيع منتجاتك و تزود أرباحك.
-طب كويس اوي، عرفني بقى الطريقة..
– بص يا سيدي.. من مدى أهمية التسويق الإلكتروني، عندنا أكبر شركتين تسويق إلكتروني في مصر هما سوق.كوم Souq.com، اللي من قوتها ونجاحها أكبر شركة أمريكية وهي شركة أمازون Amazon اشترتها ، وعندنا كمان شركة جوميا Jumia. تعرفهم؟؟
– اه سمعت عنهم بس ايه نظامهم؟
– جوميا ع سبيل المثال بتسوق في 12 دولة منهم مصر والجزائر وتونس والمغرب. أما سوق.كوم أو تقدر تقول عليها “أمازون الشرق الأوسط”، فهي تعتبر أكبر موقع للتجارة الإلكترونية في العالم العربي.
– طب انا محتاج ايه عشان أسوق منتجي؟
-هتحتاج لتعريف المنتج وتصويره.
تعريف المنتج انت اللي هتعمله أما تصوير المنتج فهتستعين بمصور منتجات شاطر يصورلك المنتج أو هتروح استوديو مجهز لتصوير المنتجات سواء كانت تصوير ملابس(فاشون)، معادن، وجبات غذائية، تصوير Indoor أو outdoor وغيرهم.
– كدا الموضوع خلص؟؟
– اه يا سيدي وبقى ليك مصدرك الخاص على أي موقع من المواقع دي. بتخش تحط المنتج بتاعك وتعمل عرض عليه.
– طب لو عايز أبيع مع نفسي لان الشركات دي أكيد بتاخد نسبة من الربح؟
– مش نسبة كبيرة ولا حاجة، لان الشركات دي بتشيل عنك التوصيل والاعلانات والتسويق. أما لو عايز تشتغل لوحدك تقدر تتعاون مع شركة تعملك صفحة جديدة عالفيسبوك(create a facebook page) وتعرض عليها منتجاتك. وهنا في نقطة صغيرة انك لما هتيجي تكتب الـ description ممكن تضيع المنتج بتاعك. لازم يكون في محتوى حلو تجذب بيه العملاء عشان يشتروا منتجاتك، ودي مهمة شركات التسويق الإلكتروني.
-وبعدين!!
-انت تروح تديهم المنتج وتكلمهم شوية عنه، وهما ينشطوا الصفحة،هيعملولك دعايا ليها و هيعملولك اعلانات على فيسبوك ويديروها عشان هما متخصصين في ده.
-يعني أبحث عن شركة تسويق الكتروني على جوجل Google عشان اسوق منتجي ؟؟
-اه ، شوفت الموضوع سهل ازاي.
– يااه ده انت سهلته عليا أوي لأن كان عندي مشكلة في التسويق.
– أي خدمة.. كده انت عرفت يعني ايه تسويق أون لاين أو Digital Marketing وازاي هيحافظ على وجودك عند الناس ويزود نسبة مبيعاتك وارباحك بشكل كبير ومستمر.